Shërbimet e Policisë vijojnë monitorimin e lokaleve që organizojnë aktivitete me muzikë jashtë orarit të përcaktuar për mbyllje në kundërshtim me masat anti-Covid.
Uniformat blu bëjnë me dije se 3 administratorë të lokaleve në Durrës janë gjobitur me 1.000.000 lekë secili pasi u konstatuan duke ushtruar aktivitet jashtë orarit të përcaktuar për mbyllje.
Durrës-Informacion-U konstatuan duke ushtruar aktivitet jashtë orarit të përcaktuar për mbyllje, ndëshkohen me masë administrative 3 pronarë subjektesh.
Shërbimet e Komisariatit të Policisë Durrës vijojnë kontrollet për zbatimin e planit të masave për garantimin e rendit dhe qetësisë publike dhe monitorimin e lokaleve që vijojnë organizimet me muzikë pas orarit të përcaktuar për mbyllje, në kundërshtim me masat anticovid të vendosura nga organet kompetente.
Në vijim të kontrolleve, shërbimet e Policisë, kanë konstatuar dhe proceduar penalisht për veprën penale “Prishja e qetësisë publike”, shtetasin A. G., 30 vjeç, pronar i një subjekti në lagjen nr.1, Durrës, pasi u konstatua duke vijuar organizmin e aktivitetit me muzikë, pas orarit të përcaktuar për mbyllje. Për këtë shtetas u vendos dhe masa administrative 1.000.000 lekë.
Drejtoria Vendore e Policisë Durrës apelon për të gjithë administratorët dhe pronarët e lokaleve që të respektojnë masat anticovid dhe orarin e përcaktuar për ushtrimin e aktivitetit.
