Presidenca ka sqaruar deklaratën e kreut të shtetit sa i takon përgjigjes lidhur me qëndrimet e kryedemokratit Basha.
Përgjigjja e Metës ishte: “Atij zotërisë i them përpiqu të bësh aq sa bëri Alija Izetbegoviçi, kur e morën peng. Thuaji popullit që je peng dhe vazhdo punën tënde. Këtë popull dhe këtë vend nuk e merr askush më!”. Kjo gjë u interpretua se mesazhi i adresohej kryetarit të opozitës.
Por, çdo paqartësi e ka davaritur zëdhënësi i presidentit, Ilir Meta, Tedi Blushi. Ky i fundit në një status në facebook shkruan: “Një sqarim për të gjithë kolegët e nderuar gazetarë: Referenca për “pengun” i adresohet direkt Kryeministrit ende në detyrë që duhet të heqë urgjentisht dorë nga pengmarrja e së ardhmes europiane të Shqipërisë! Kjo është e qartë!” .
