Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Themeluesi i Wikileaks në gjendje të rëndë shëndetësore pas torturave psikologjike në burg

Nga Ejona 0

Mjekët e Julian Assange thonë se themeluesi i Wikileaks është në gjendje të rënduar shëndetësore.

Ata kanë shkruar një letër ku tregojnë për torturat psikologjik që po i bëhen Assange në burgun Belmarsh në Angli.

Assange do të dalë para gjykatës në datën 24 shkurt, në një seancë dëgjimore që mund të sjellë ekstradimin e tij në SHBA.

48 vjeçari përballet me 48 akuza në Shtetet e Bashkuara të Amerikës, duke përfshirë edhe komplotin për të hakuar një kompjuter me dosje të klasifikuara të Pentagonit.

“Assange është në një gjendje të rëndë shëndetësore për shkak të efekteve të torturave të zgjatura psikologjike si në ambasadën ekuadorase ashtu edhe në burgun e Belmarsh, ku ai është arrestuar në mënyrë arbitrare sipas Grupit të Punës të Kombeve të Bashkuara”, thuhet në letër.

Letra përcakton gjithashtu akuza për “neglizhencë mjekësore të motivuar politik” për të cilën thotë se “vendos një precedent të rrezikshëm”.

“Politika nuk mund të lejohet të ndërhyjë në të drejtën e shëndetit dhe praktikën e mjekësisë.

Ankesat tona janë të thjeshta, ne u bëjmë thirrje qeverive që të përfundojë torturën e Z. Assange dhe të sigurojë qasjen e tij në kujdesin shëndetësor më të mirë, përpara se të jetë vonë”, shkruhet në letër.

Një kopje e letrës i është dërguar qeverisë së Mbretërisë së Bashkuar dhe ministrit Australian për punët e jashtme, Marise Payne.

Vitin e kaluar, relatori special i Kombeve të Bashkuara për torturat Nils Melzer vizitoi themeluesin e WikiLeaks në Belmarsh dhe raportoi se ai “tregoi të gjitha simptomat tipike për ekspozimin e zgjatur ndaj torturave psikologjike, duke përfshirë stresin ekstrem, ankthin kronik dhe traumat psikologjike intensive”.

Assange ka qenë në paraburgim pasi ishte larguar nga ambasada e Ekuadorit në prill 2019, pasi statusi i tij i azilit ishte tërhequr.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej