Kreu i Partisë Demokratike Lulzim Basha nëpërmjet një një video dëshpëruese që ka publikuar në rrjetet sociale shprehet se ka shume qytetarë të cilët nuk kanë mundësi ekonomike, aq më tepër tani në kohën e koronavirusit.
Lulzim Basha shprehet se në gjithë Shqipërinë vihet re mungesa e ndihmës nga shteti dhe se çdo ditë që kalon është për ta një ditë pa bukë.
Basha i bën thirrje qeverisë të shpërndajë pa vonesë fondet e ndihmës ekonomike dhe të rrisë buxhetin për emergjencës.
Postimi i plotë:
Me mijëra njerëz në të gjithë vendin tregojnë mungesën e ndihmës dhe braktisjen nga shteti. Të përjashtuar nga plani i qeverisë, çdo ditë që kalon, për ta është një ditë pa bukë.
Duhet një plan i mirëmenduar mbështetjeje për të gjithë familjet shqiptare sipas nevojës dhe kushteve të secilit. Pagesa e mbijetesës për këdo që ka humbur punën nuk mund të vonohet më asnjë ditë!
Qeveria e ka për detyrë kushtetuese dhe ligjore të garantojë shëndetin dhe jetesën e çdo shqiptari. I bëj edhe një herë thirrje të shpërndajë pa asnjë vonesë fondet e ndihmës ekonomike dhe të rrisë buxhetin për emergjencën! Koha është TANI!
https://www.facebook.com/lulzimbasha.al/videos/546352109410580/?t=1
