Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

“Të dytët për azilkërkues”, Macron: Nuk ka negociata me Shqipërinë

Nga Ejona 0

Kancelarja gjermane, Angela Merkel nuk ka arritur të bindë presidentin francez, Emmanuel Macron, për hapjen e negociatave me Shqipërinë dhe Maqedoninë e Veriut.

Presidenti i Francës, në një konferencë të përbashkët me kancelaren gjermane, Angela Merkel, ka zbardhur arsyen sepse vendi i tij nuk mbështet hapjen e negociatave për Shqipërinë.

Macron u shpreh “si t’ua shpjegoj unë qytetarëve francezë, që vendi i dytë përsa i takon kërkesava të azilkërkuesve është Shqipëria”.

Presidenti francez tha se kemi lirinë e vizave me Shqipërinë edhe pse nuk kemi hapur negociatat, ndaj edhe shqiptarët kërkojnë azil në Francë.

Franca është një nga vendet që ka vendosur veton për të shtyrë procesin e hapjes së negociatave me Shqipërinë, ndërsa qëndrimi i saj mbështetet edhe nga Holanda dhe Danimarka, që konsiderohen edhe si 3 shtetet skeptike.

Ndërkohë që edhe Spanja ka një qëndrim pothuajse të njëjtë, ndërsa Gjermania ka artikuluar një Po me kushte, duke parashtruar 9 të tilla.

“Do ti përmbahemi deklaratave tona politike sa i përket çështjeve kaq të rëndësishme. Evropa është një shtëpi e bukur dhe e madhe e jona. Njëri prej pjesëtarëve vendosi të largohej. Në këto lloj rastesh dritat e bukura që ka shtëpia mund të duken të bukura nga larg.

E përshëndes kurajon dhe reformat që ka ndërmarrë Shqipëria dhe Maqedonia e Veriut. Do flisja për një sinjal pozitiv, Ballkani është tejet strategjik për Evropën.

Duhet ta reformojmë procedurën. Unë po e shpall vizionin tim gjeopolitik para kancelares”, tha Macron, duke iu referuar Brexit.

Ndërsa kancelarja Angela Merkel bëri të ditur diferencat që ekzistojnë mes vendeve të BE-së.

“Kemi disa diferenca sa i përket problematikave që janë shfaqur. Ashtu siç e dini duhet një vendim unanim për çeljen e negociatave”, tha Merkel.

/FaxWeb

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej