Policia shqiptare konfirmoi sot se ishte në dijeni të hetimeve ndërkombëtare për shtetasin shqiptar Klemend Balili, i akuzuar si drejtuesi i një rrjeti trafiku droge që vepron në gjithë Europën, por ajo nuk sqaroi pse nuk është arrestuar akoma.
Sipas televizionit Top Channel është prokuroria që po e pengon këtë arrestim.
“Zyrtarisht, nga ana e Policisë së Shtetit thuhet se disa herë i është kërkuar Prokurorisë së Përgjithshme autorizim për arrestimin e Balilit, por nuk ka ardhur asnjë përgjigjie. Drejtori Haki Çako konfirmoi ndërkohë hetimet”, thotë TCH.
“Arrestimi është kërkuar nga policia edhe pse nuk kishte ende një urdhërarrest nga pala greke. Top Channel thotë se u interesua pranë Prokurorisë së Përgjithshme për këtë çështje dhe prej andej u deklarua se, nuk ka asnjë koment për këtë rast”.
Një ditë më parë, me anë të një njoftimi policia konfirmoi se kishte djeni për çështjen, e cila kishte nisur të hetohej 2 vjet më parë në bashkëpunim me policinë greke dhe DEA-n, agjencia amerikane e luftës kundër drogës. Policia greke në Athinë zyrtarisht i konfirmoi Top Channel se urdhëri është përkthyer në anglisht dhe është dërguar për në Shqipëri dhe ata presin nga ora në orë arrestimin e shtetasit Klemend Balili.
