Ministri i Brendshëm: Problemi është te Kryetari formal, që edhe kur thotë PO, nuk e mban dot fjalën
Ministri i Brendshëm Saimir Tahiri, tha sot në parlament se opozita është tërhequr nga marrëveshja e dakordësuar më herët me shumicën dhe ndërkombëtarët, për ngritjen e Byrosë Kombëtarë të Hetimit.
“Një gjë kuptohet nga qëndrimet e kryetarit formal të PD-së dhe atij të vërtetit, se marrëveshja dhe debate nuk bëhet me gënjeshtarë. Draftin, PD-ja e ka parë, modifikuar dhe për 10 ditë e kthyet në çështje pse nuk miratohet. Seancën e kaluar ju pyeta, ndajeni mendjen se nuk është çështje e vullnetit formal, por real për të luftuar korrupsionin.
Drafti erdhi te unë me dakordësinë tuaj dhe partnerëve ndërkombëtarë, dhe u miratua në qeveri. Problemi është te Kryetari formal, që edhe kur thotë PO, nuk e mban dot fjalën. Më mirë të mos ishim dakordësuar, por të kishim një opozitë të vërtetë, që e mban fjalën kur bie dakord”, tha Tahiri.
Ai foli edhe për debatin për varësinë e Byrosë Kombëtare të hetimit, duke theksuar se pavarësinë e këtij institucioni e garanton pika sipas së cilës, Prokurori i Përgjithshëm që jep pëlqimin me shkrim për emrin e Drejtorit të BKH.
