“Ta lëmë mënjanë egon tonë politike”, Basha: Do e përgëzojmë qeverinë nëse vë në veprim planin tonë

Kreu i PD, Lulzim Basha, në një intervistë të dhënë shprehet se qeveria duhet të vërë në veprim planin e PD sepse i nevojitet vendit.
Basha tha se nuk ka frikë nga koronavirusi, por për familjarët, miqtë dhe qytetarët shqiptarë me shëndet më të dobët, po.
Reagimi i plotë:
Nuk mjafton që vetëm ne të bëjmë më të mirën, duhet që të gjithë të bëjmë më të mirë. Ndaj insistoj që plani ynë të vihet në veprim. Nuk do rrahim gjoksin për fitore por do të përgëzojmë qeverinë.
E lus zotin Rama që të jetë sa më pak nervoz. Le ta lëmë në këtë kohë mënjanë egon tonë politike. Mos të shohim pas çdo mase gogolin politik.
Unë personalisht nuk kam frikë. Por kam frikë për anëtarët e tjerë të familjes, për miqtë dhe të gjithë shqiptarët që nuk kanë shëndet të mirë. I lus të gjithë shqiptarët e shëndetshëm, si unë, që të ndihmojnë atë më pak të shëndetshëm.