Kryeministri i Kosovës, Albin Kurti ka shprehur ngushëllime për viktimat dhe familjet e tyre, pas sulmit të armatosur në Beograd të Serbisë.
Kurti po ashtu ka uruar shërim sa më të shpejtë për të lënduarit.
“Dëshiroj të shpreh ngushëllimet e mia më të thella për viktimat e të shtënave në shkollë në Beograd dhe për familjet e tyre. Gjithashtu u uroj shërim sa më të shpejtë të lënduarve në këtë ngjarje tragjike”, ka shkruar ai në Twitter.
Reagime për ngjarjen ka pasur gjithashtu edhe nga politikanë të tjerë në Kosovë. Presidentja Vjosa Osmani u ka shprehur ngushëllime familjarëve të nxënësve që humbën jetën përmes një postimi në Twitter.
Ndërkohë që edhe nënkryetarja e PDK-së, Vlora Çitaku shkroi: “Ditë tragjike në Serbi. Ngushëllime familjeve që humbën më të dashurit e tyre”.
Tetë nxënës dhe një roje sigurie u vranë të mërkurën nga të shtënat me armë zjarri në shkollën fillore “Vlladisllav Ribnikar” në Beograd. Sipas njoftimit, gjashtë nxënës të tjerë dhe një mësues u plagosën dhe aktualisht ndodhen në trajtim mjekësor.
Në oborrin e shkollës është arrestuar edhe 14 vjeçari, autor i kësaj masakre si dhe nxënësi i saj.
Kryeministri i Kosovës, Albin Kurti ka shprehur ngushëllime për viktimat dhe familjet e tyre, pas sulmit të armatosur në Beograd të Serbisë.
Kurti po ashtu ka uruar shërim sa më të shpejtë për të lënduarit.
“Dëshiroj të shpreh ngushëllimet e mia më të thella për viktimat e të shtënave në shkollë në Beograd dhe për familjet e tyre. Gjithashtu u uroj shërim sa më të shpejtë të lënduarve në këtë ngjarje tragjike”, ka shkruar ai në Twitter.
Reagime për ngjarjen ka pasur gjithashtu edhe nga politikanë të tjerë në Kosovë. Presidentja Vjosa Osmani u ka shprehur ngushëllime familjarëve të nxënësve që humbën jetën përmes një postimi në Twitter.
Ndërkohë që edhe nënkryetarja e PDK-së, Vlora Çitaku shkroi: “Ditë tragjike në Serbi. Ngushëllime familjeve që humbën më të dashurit e tyre”.
Tetë nxënës dhe një roje sigurie u vranë të mërkurën nga të shtënat me armë zjarri në shkollën fillore “Vlladisllav Ribnikar” në Beograd. Sipas njoftimit, gjashtë nxënës të tjerë dhe një mësues u plagosën dhe aktualisht ndodhen në trajtim mjekësor.
Në oborrin e shkollës është arrestuar edhe 14 vjeçari, autor i kësaj masakre si dhe nxënësi i saj.
