Takimi i Ramës me studentët e Vlorës u nis për dialog, por kryesisht ka rezultuar debat. Studentët kanë shprehur revoltën e tyre ndaj Ramës, pa dorashka dhe pa menduara për pasojat që ata mendojnë se mund të kenë.
Një student u ngrit në sallë dhe i tha Ramës paraprakisht që ta shikonte në sy dhe i tha:
“Unë po e nis dialogun duke të thënë përpara fytyrës që jeni mashtruesi më i madh i këtij vendi. Ju nuk merrni parasysh opozitën që ka në dorë më shumë gjëra se sa ne, dhe s’kemi shpresë që do të na dëgjosh kurrë.
Nuk më pëlqejnë këto shfaqje të ndyra, por ne jemi studentë dhe i kuptojmë shumë mirë gjërat se si janë dhe nuk na gënjen dot. Ne nuk kemi frikë nga ty edhe pse jeni i forti i këtij vendi, edhe pse prindërit tanë i keni frikësuar deri në placë. Megjithatë do ndihem i lumtur nëse nuk më pushkatojnë pas kësaj që ju thashë sepse ju e keni kthyer komunizmin në këtë vend! Faleminderit që më patë në sy dhe më kuptoni shumë mirë se çfarë po them.”
