Policia shqiptare në bashkëpunim me palën gjermane ka arrestuar Arbër Çekajn. Pronari i firmës “Arbi Garden”, në të cilën cilës u gjet 613 kg kokainë disa kohë më parë në Maminas është arrestuar në Gjermani.
Më herët gjatë ditës së sotme ambasadori amerikan Donald Lu ka përmendur emrin e tij.
“Do të donim shumë që shoqëria civile të na bashkohej për peshqit të mëdhenj kriminalë. Klement Balili dhe Arbër Çekaj po kërkohen. Roshi dhe Frrokaj po ndiqen penalisht. Hetimet po vazhdojnë ndaj Saimir Tahirit dhe Adriatik Llallës, askush nuk është mbi ligjin, i cili tani do të përballet si qytetar i zakonshëm pa imunitet”, deklaroi ambasadori Lu.
