Memorandumi i mirëkuptimit u nënshkrua në Departamentin Amerikan të Shtetit nga ndihmës sekretari amerikan Raymond Seitz dhe ministri i jashtëm i Shqipërisë, Muhamet Kapllani të pranishëm krerët e PD në opozitë, Sali Berisha dhe Gramoz Pashko
Sot mbushen 25 vjet nga dita e rivendosjes së marrëdhënieve diplomatike mes Shqipërisë dhe SHBA-së. Gazetari i “Zëri i Amerikës”, Elez Biberaj përcjellë përmes një mesazhi në facebook, inpmresionet e ceremonisë së rivendosjes së marrëdhënieve diplomatike mes Shqipërisë dhe SHBA-së 25 vite më parë.
Elez Biberaj mbahet mënd si një ndër gazetarët më aktiv në median më aktive “Zëri i Amerikës” që pati një ndikim të rëndësishsmë në ndryshimet demokratike të Shqipërisë së vitit 1990.
“Njëzet e pesë vjet më pare, më 15 mars 1991, SHBA dhe Shqipëria rinisën marrëdhëniet diplomatike – pas më shumë se 50 vjet mosnjohje dhe vetëm tre muaj pasi në Shqipëri kishte rënë regjimi komunist. Memorandumi i mirëkuptimit u nënshkrua në një ceremoni në Departamentin Amerikan të Shtetit nga ndihmës sekretari amerikan Raymond Seitz dhe ministri i jashtëm i Shqipërisë, Muhamet Kapllani. Ceremonia u ndoq nga krerët e PD në opozitë, Sali Berisha dhe Gramoz Pashko”, shkruan Biberaj.
Ndërsa ambasada amerikane në Tiranë ka publikuar sot një fotografi me pesë ambasadorët amerikanë në Tiranë prej vitit 1991 e ktej. Ata janë mbledhur në SHBA në përkujtim të 25-vjetorit të rivendosjes së marrëdhënieve mes Shqipërisë dhe SHBA-së, me inisiativën e ambasadores shqiptare në Flloreta Luli Faber. 
“Ambasadorja e Shqipërisë në Shtetet e Bashkuara, Floreta Luli Faber me Ambasadorin Amerikan në Shqipëri Donald Lu, dhe 5 ish Ambasadorët amerikanë John L Withers II, William E. Ryerson, Alexander A. Arvizu, Marisa R. Lino, dhe Marcie B. Ries. Sot, më 15 mars, Shtetet e Bashkuara dhe Shqipëria festojnë 25 vjetorin e rivendosjes së marrëdhënieve të tyre diplomatike. #25ViteMiqësi”, shkruan ambasada amerikane, që ka publikuar këtë foto.
