Në Tiranë do të protestohet me 8 Mars. “Buongiorno signore sono la “Sorella Tone”. Chiamo Dall’Albania come posso aiutarlo? Abbiamo delle fantastiche offerte speciali per lei”. Këto fjalë të vëna në gojën e Motrës Tone të Kolë Idromenos, e cila është zëri simbolik i grave në protestën e këtij 8 Marsi.
“Me qindra vajza dhe gra punojnë në Call Center si e vetmja mundësi për të nxjerrë jetesën, pavarësisht arsimimit të tyre. Ato ballafaqohen me dhunë verbale nga lart, arbitraritete të ndryshme dhe nuk kanë mbrojtje sindikale”, shprehen organizatorët e protestës që do të zhvillohet nesër në orën 16:00 në Kombinat.
