“American Eye” do të sjellë çdo fundjavë një sondazh për qarqet më të mëdha, ku pritet të vendoset fati i fituesit të zgjedhjeve të 25 qershorit. Sondazhi i parë është zhvilluar në qytetin e Elbasanit, pasi së bashku me Durrësin, Elbasani është !arku i katërt që nxjerr më shumë deputetë, plot 14 të tillë. Por, edhe për shkak se Elbasani mbahet si barometër që përcakton fituesin, pasi historikisht është një qark që asnjë nga forcat politike nuk e përcakton dot si bastionin e saj.
Në një sondazh të organizuar nga “American Eye”, ku u intervistuan 1034 qytetarë në !arkun e Elbasanit në datat 31 maj, 1 qershor dhe 2 qershor ka sjellë rezultate interesante.
PS ka marrë 46.1% të vota, shumë poshtë PD-ja me 29.2%.
Por, surpriza qëndron se PDIU është mbi LSI-në. PDIU ka marrë 7.1% të vota, ndërsa LSI 6.4%. Interesant është se 7.1% janë ende të pavendosur.
Ndërkohë që vlen të theksohet se deri më 25 qershor përqindjet mund të ndryshojnë.
Sondazhi i plotë për Qarkun e Elbasanit:
– PS 46.1%
– PD 29.2%
– PDIU 7.1%
– Të pavendosur 7.1%
– LSI 6.4%
– FRD 1%
– PR 0.9%
– LIBRA 0.7%
– PSD 0.7%
– PDS 0.5%
– U intervistuan 1034 persona
– Marzhi i gabimit +/- 2.5%
Detaje për qarkun e Elbasanit
Në zgjedhjet e 2013, e majta mori 8 mandate në këtë qark, ndërsa e djathta 6. Në këtë qark e gjithë beteja sipas sondazhit do të përqendrohet më shumë brenda së majtës. Si PS, ashtu edhe LSI, por edhe PDIU-në kërkojnë pjesën e luanit. Fushatën e PS-së në Elbasan e drejton i besuari i Ramës, Taulant Balla, atë të LSI-së Monika Kryemadhi, ndërsa të PDIU-së Aqif Rakipi.
PD ka vënë në krye të listës së Elbasanit, Edmond Spahon, një personalitet, por pa ndikim në këtë qark, ku pritet të ketë një përplasje tejet të ashpër.
