Prokuroria e Shkodrës rrezikon të përfshihet nga skandali për falsifikimin e dosjeve hetimore. Prokuroria e Përgjithshme konfirmon se është duke u verifikuar rasti i prokurorit Vate Staka.
Prokurori i Shkodrës i cili dyshohet se ka ndërhyrë në arkivë duke ndryshuar fashikujt. Report Tv siguron dosjen e dyshuar si të falsifikuar. Denoncimi për falsifikim dosjesh u bë edhe nga një qytetar në Report TV. Bëhet fjalë për dosjen 805/2016 me të pandehur Kolë Plenishtën ku ka ndërhyrë prokurori për të ndryshuar afatet hetimore.
(Denoncimi i mbërritur në Report Tv nga një qytetar)
Në dosjen e paraqitur për Vetting-un u ndryshua data e mbylljes së hetimeve, ndërsa ajo që bie në sy është firma e prokurorit e cila në disa dosje asnjëherë nuk është e njëjtë. Dyshohet se prokurori ka ndërhyrë në arkivë duke ndryshuar fashikujt.
Komisioni i Pavarur i Kualifikimit rikonfirmoi në detyrë në datën 3 korrik prokurorin e Shkodrës, pasi vlerësoi pozitivisht të tre kriteret e Vettingut, pasurinë, figurën morale dhe aftësitë profesionale.
