Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Skandali i mashtrimit nga partneri i Air Albania, reagon biznesmeni turk

Nga 27.al 0

Lidhur me skandalin mashtrimit, mediat turke raportojnë se biznesmeni i famshëm turk, Adnan Polat është mashtruar nga biznesmeni shqiptar, Sinan idrizi, partner i Air Albania.

Sipas atyre çfarë shkrujnë mediat turke, Polat ishte në Shqipëri për biznes, kur u takua me partnerin e Air Albania, Sinan Idrizi. Ky i fundit i tha se kompania Global Fluids International që po ecën mirë në Shqipëri dhe se mund ta ndihmonte për ta blerë kompaninë.

Biznesmeni shqiptar i mori 3.5 mln dollarë si depozitë. Pikërisht kjo shumë i është zhdukur biznesmenit turk, ndaj ai ka vendosur të ngrejë padi.

Pas raportimeve në media, biznesmeni ka dalë me një deklaratë ku thuhet se në këtë histori ka qenë i përfshirë edhe kryeministri Edi Rama.

Deklarata

“Në bazë të lajmeve të pasqyruara sot në shtyp, ka qenë e detyrueshme të bëj një deklaratë për të informuar publikun. Siç dihet, si biznesmen, unë po investoj në shumë sektorë si në Turqi, ashtu edhe jashtë saj.

Ngjarja, objekt i lajmit, siç përmendet më lart merr jetë gjatë realizimit të një investimi që mendoj se do të ishte i dobishëm për vendin tim.

Me personin e quajtur Sinan Idrizi u ndërmorën negociata për blerjen e kompanisë GFI Albania SH.P.K. U ndërmorën hapa edhe me pjesëmarrjen e Kryeministrit të Shqipërisë, Edi Rama, dhe si rezultat, ndodhi ngjarja e përmendur.

Megjithëse të gjitha detyrimet kontraktuale ishin përmbushur nga unë, personi i quajtur Sinan Idrizi nuk përmbushi asnjë prej këtyre detyrimeve.

Deri më sot, me durim, kam pritur që aleatët tanë të zgjidhnin çështjen, për të mos dëmtuar miqësinë Shqipëri-Turqi. Sidoqoftë, përballë kësaj situate që hasa për herë të parë në tërë jetën time të biznesit, vendosa ta dërgoj çështjen në Gjykatën e Lartë Turke.

Doja ta ndaja këtë me publikun, me të gjithë transparencën dhe sinqeritetin”.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej