Ministria e Mbrojtjes e Rusisë në një deklaratë u shpreh se ushtria ruse do të fillojë dërgimin e ndihmës mjekësore në Itali nga e Diela për ta ndihmuar atë të luftojë koronavirusin, pasi të marrë një urdhër nga Presidenti Vladimir Putin.
Putin bisedoi me kryeministrin italian Giuseppe Conte duke ofruar mbështetjen dhe ndihmën e tij në formën e automjeteve dhe specialistëve të dezinfektimit.
Në Itali u regjistruan 793 viktima ditën e djeshme, ndërsa numri i të infektuarve është rreth 5000.
Ministria e Mbrojtjes Ruse tha që aeroplanët e transportit ushtarak do të dërgonin tetë brigada të lëvizshme të mjekëve ushtarakë, automjete speciale të dezinfektimit dhe pajisje të tjera mjekësore në Itali gjatë ditës së dielë.
Rusia gjithashtu do të dërgojë rreth 100 specialistë ushtarakë në virologji dhe epidemi, raporton Reuters.
