Deputeti i opozitës së re Lefter Maliqi ka shpërthyer në akuza ndaj qeverisë “Rama” në lidhje me tërmetin e 26 nëntorit, që mori 51 jetë njerëzish.
Nga foltorja e Kuvendit Maliqi i ka bërë thirrje ndërkombëtarëve, SPAK-ut dhe BKH-së që të hetojnë lidhur me pasojat që shkaktoi tërmeti si dhe pasurinë e ministrave dhe ish-ministrave, ndërsa pohoi se kryeministri Edi Rama duhet të jepte dorëheqje.
FJALIMI I MALIQIT
Nuk është koha as për lot qeveritar, as për fjalime të bukura, por koha për forcë, kurajo dhe drejtësi. Ky bashkim i shqiptarëve është vetëm për drejtësi ndaj atyre vitkiamve të 26 nëntorit, ndaj atyre familjeve të dëmtuara. Nuk është sot për këto fjalime në këtë seancë parlamentare, të përbuzur, kur vet pikat e rendit të ditës janë për të vënë duart në kokë. Ne u mblodhëm këtu në një seancë vetëm për tërmetin e 21 shtatorit, ku pamë show-n e ministrave, me përparëse, me garuzhde, duke i shërbyer familjeve të dëmtuara dhe nuk bën asgjë për të vlerësuar dëmet dhe për t’ju thënë atyre banorëve, si familja Lala, me 9 veta, me origjinë nga Hasi apo dhe të tjerëve në Thumanë që në ato pallate ku ndenjën një muaj në çadra dhe më pas u futën në banesa. Kush është përgjegjësi?? Me gojë apo me shkrim që u tha se duhet të banonin prapë atje? Ne duhet të ishim mbledhur në një seancë të jashtëzakonshme, por jemi mbledhur mbas 10 ditësh. Turp dhe skandal. Shqipëria është republikë parlamentare, që do të thotë se ai vendos gjithçka. Por parlamenti për shkak të sistemit të korruptuar, njerëzit janë kthyer në dele. Në dele janë kthyer dhe kryebashkiakët me zgjedhje moniste, ku kryeministri tallet ‘jeni bërë për gomarë dhe kuaj’. Kush do e mbajë përgjegjësi për këtë tragjedi? Ne mbetëm duke kërkuar. Shkon kryeministri duke kërkuar ‘miell huaj’ dhe kudo. Parlamenti duhej të ishte mbledhur. Nga ky buxhet për 2020 janë 300 mln dollarë për investime. Vetëm Kryeministria ka 10 mln euro më shumë, siç tha dhe kolegu Murrizi, apo dhe investimet e tjera për jetë luksi. Jo mo jo, nuk është kjo vetëm. Por është babëzia. A e dini ju që pjesa më e madhe e këtyre që janë prapa, dhe një pjesë e ish-ministrave, kanë aq shumë të ardhura, sa jo për 5 mijë apartamente që u dëmtuan, por kanë dhe për 10 mijë. Ky është hetimi që nuk bëhet kurrë.
Vettingu që nuk bëhet kurrë. Ky është ndjeshmëria e madhe e SHBA dhe BE për formimin e SPAK. Pa të hetojnë pak ato pasuri të padeklaruara, kanë shumë. Pa shikoni lejet e ndërtimit. Leje, babëzi. Kush mban përgjegjësi për këto? Për kolaudimin e tyre. Po për shkollat e prishura Sami Frashëri? Nëse këtu do të binin muret e parlamentit, dhe mirë do ishte të binin se shumë njerëz thonë “u ra tërmeti dhe fatkeqësia njerëzve të humbur dhe jo parlamentit dhe qeverisë”. Po kot nuk është ajo shprehja; nuk bie rrufeja pikë pikë pikë….po bie tek ata njerëz. Po të ishte shembur një pjesë këtu do bëhej estrada tjetër. Ngriheni zërin këtu se jeni hajdutër dhe e shkatërruar këtë vend. SPAK nëse SHBA dhe BE nëse e duan këtë vend, duhet të fillojë menjëherë dhe të mbledhë të gjitha dosjet e prokurorisë së Durrësit, Tiranës, sepse kjo është vrasje me paramendim. Është krim i organizuar. Të lirohen burgjet nga ata me 30 gramë drogë, dhe ata për vjedhje energjie dhe të mbushen me oligarkë, që janë bërë non –grata nga SHBA. Janë shume të tillë. E rropën këtë vend, nuk fryhen. Janë të babëzitur. Vinë këtu dhe derdhin lot. Unë vetëm të japë shpirtin, por këta kanë shumë pasuri. Nuk është problem vetëm një rrogë e imja, por këta kanë aq shumë dhe shteti po ashtu, saqë nuk ua merr mendja gjithë shqiptarëve. Kjo është politika e qelbur. Shkon kryeministri e ngre fëmijën me një dorë, bën lodra, bën sikur vdes me atë mjekër. Ça është kjo rilindje?? Rilindi fatkeqësia, droga, krimi, shpopullimi, korrupsioni, varfëria. Çfarë nuk prunë këta? Nëse ky ka moral, të japë dorëheqje (Rama). Të bëhet mor shtetar. Për hiç gjë dha dorëheqja ai i Maqedonisë, i Kosovës.
Ky jo mo jo, nuk ikën. Ky po nuk i ra tërmeti në kokë, nuk ikën. Ky vetëm bën show. Ka çuar zv/ministrat për të bërë show. Ky janë zyrtarët e lartë? Pse tallen me këtë vend. Është bërë për të ikur nga ky vend. I bëj thirrje ndërkombëtarëve. SPAK i bëj thirrje. Këta prapë do vjedhin me tenderat e ndërtimit. U prehshin në paqe ato viktima, por tersin e keni pas, e shkatërroi këtë vend. Është kryeoligarku dhe do çuar mbrapa hekurave. Hetojeni, bëjani vettingun. Nuk e dinë se ku i kanë mbyllur, Në Qipro, në Zvicër, kudo. Këta bëjnë show sot. Këta bën tërmet në drejtësi dhe gjykata, tërmet, kudo. Kurrë mos paça të ardhme politike. Nuk dua të jem në politikë kështu. Nuk mbahen këta, nuk e kanë mendjen tek populli. Këta tallen, bëjnë show. Dhe qajnë këta pasi bie tërmet, sepse e quajnë ‘Baba Xhike’ presidentin kur paralajmëroi me letra nga greku. Disa e quajtën të çmendur, të marrë. Mirënjohje për vëllezërit kosovarë, pas dy orësh vajtën këta. As qen nuk kishin këta, 2 mln euro për këta. Hoqën nga puna dhe mësuesin që e stërviste. Nuk mbahen more, çfarë nuk po bëjnë more. Bëjnë sikur japin paga. Unë vetëm një garzionere jap po këta ça nuk japin. Nuk e kam me Pandin unë, apo Musain, dhe për ndonjë të ndershëm. E shkatërruan këtë vend. Ky të kërkojë dorëheqje. Boll me 2 e 20, boll me çitjanet. Sela kokrrën e namit. Shkon në varrim ashtu. Shkon tek dëshmorët dhe të rënën me çitjane. Ky është turp, ky është fatkeqësia kombëtare. Ndaj ky Kuvend duhet të ngrihet në një senacë të jashtëzakonshme vetëm për këto probleme.
