Mes fishekzjarresh, përqafimesh e britmash gëzimi ora 00:00 ka shënuar nisjen e Vitit të ri 2018 edhe në kryeqytetin e shqiptarëve që kishin mbushur sheshin “Skënderbej” për të pritur ndërrimin e viteve.
Kryebashkiaku Erion Veliaj së bashku me qindra njerëz të mbledhur në shesh bëri numërimin mbrapshtë të sekondave deri në nisjen e hedhjes së fishekzjarreve.
Pas spektaklit të fishekzjarreve që zgjati disa minuta festimet në Tiranë kanë vijuar me koncertin e nisur në orën 22:30 me këngëtarët e njohur Elhaida Dani, Tiri & Band, Kastro Zizo, Beatrix Ramosaj, Elgit Doda dhe Ronela Hajati.
