Media e njohur amerikane, Zëri i Amerikës e cila financohet nga fondet publike, është kritikuar nga Shtëpia e Bardhë se po promovon propagandën e jashtme të Kinës në lidhje me pandeminë e koronavirusit.
Administrata e presidentit Donald Trump në një deklaratë të lëshuar të premten pretendoi se “Zëri i Amerikës” e përhapi mesazhin e Pekinit duke publikuar një video të festimeve për fundin e masave të koronavirusit në Wuhan dhe duke e vënë në pah faktin që Shtetet e Bashkuara e kanë tejkaluar Kinën referuar viktimave.
“Zëri i Amerikës shumë shpesh flet për armiqtë e Amerikës e jo qytetarët e saj.
Gazetarët duhet t’i raportojnë faktet, por në vend të kësaj, Zëri i Amerikës ka forcuar propagandën e Pekinit”, shkruhej në deklaratë.
Drejtoresha e “Zërit të Amerikës”, Amanda Bennett, u kundërpërgjigj ndaj këtyre kritikave, duke thënë se media që ajo e drejton ka raportuar edhe për përpjekjet e Kinës për ta fshehur përhapjen e koronavirusit.
Pasoja e dosjes “Balluku”, bllokohet raporti IBAR, kyçi i negociatave për nisen e mbylljes së kapitujve –
Shqipëria ka ngecur në Bruksel, mes Komisionit dhe Këshillit të Bashkimit Europian. Edhe pse qeveria e unionit thotë që vendi...
