Një operacion masiv i Policisë dhe Prokurorisë së Krimeve të Rënda në bashkëpunim me agjencitë partnere, kanë kryer 13 arrestime sot në Shqipëri duke shkatërruar një rrjet të madh të trafikut të lëndëve narkotike drejt Turqisë dhe më pas me destinacion BE-në, e njohur ndryshe si banda e Met Kananit.
Operacioni është zhvilluar në Elbasan, Shkodër, Korçë dhe Lezhë ku janë arrestuar 13 trafikantë, ndërsa në Turqi kanë rënë në pranga në muajin mars 4 të tjerë, përfshirë edhe kokën e bandës, Met Kanani, ndërsa një prej tyre është arrestuar në Maqedoni.
Në total, anëtarët e bandës së drogës janë 39 persona, disa prej tyre të arrestuar një vit më parë në Itali dhe Greqi, ndërsa hetimet kanë vijuar që prej shkurtit të vitit 2017.
Sipas policisë, grupi kriminal ishte pjesë e bandës së super-trafikantit të arrestuar në muajin mars në Turqi, Met Kanani, i cili akuzohet se ka trafikuar nga Shqipëria, përmes Greqisë dhe Maqedonisë në drejtim të vendit turk tonelata me kanabis dhe droga të forta si kokainë e heroinë.
Met Kanani njihet nga mediat turke si “Eskobari shqiptar” për shkak të famës që ai ka marrë atje si koka e një rrjeti të madh të trafikut të lëndëve narkotike përfshirë edhe heroinë e kokainë.
Gjatë këtij operacioni janë sekuestruar edhe sasi të konsiderueshme droge si dhe janë bllokuar disa asete pasurore ndër to edhe automjete luksoze.
Emrat e të arrestuarve në Shqipëri:
1. Alfred SHABANI, 44 vjeç, banues në Gjirokastër.
2. Armando GJINI, 47 vjeç, banues në Rrëshen.
3. Iliro HARUNI, 43 vjeç, banues në Fier.
4. Orges ISLAMI, 40 vjeç, banues në Gjirokastër.
5. Arvanit ULNDREAJ, 26 vjeç, banues në Tiranë.
6. Klaudio ULNDREAJ, 25 vjeç, banues në Tiranë.
7. Florand XHABEJ, 43 vjeç, banues në Korçë.
8. Gojart JAHELEZI, 33 vjeç, banues në Tiranë.
9. Lavdim ÇUKU, 44 vjeç, banues në Prrenjas, Librazhd.
10. Klinsi ALIAJ, 23 vjeç, banues në Tiranë.
11. Nexhat MLLOJA, 53 vjeç, banues në Shkodër.
12. Andrea (Sadik) BALLA, 57 vjeç, banues në Prrenjas, Librazhd.
13. Bilbil HEQIMI, 58 vjeç, banues në Fier.
Gjithashtu u shpall në kërkim shtetasi S.R, banues në Librazhd.
Të arrestuar në Turqi:
1. Met KANANI, 56 vjeç, banues në Fier (aktualisht në burg në Turqi).
2. Redjan DERVISHI, 26 vjeç (aktualisht në burg në Turqi).
3. Ruvin SPAHIU, 46 vjeç (aktualisht në burg në Turqi).
4. Besmir LLUPI, 32 vjeç, banues në Vlorë (aktualisht në burg në Turqi).
I arrestuar në Maqedoni:
1.Mentor MUÇKA, 47 vjeç, banues në Pogradec (aktualisht në burg në Maqedoni).
http://shqiptarja.com/lajm/superoperacion-antidroge-ne-shqiper-dhe-vendet-e-be-shkaterrohet-grupi-i-met-kananit-15-te-arrestuar
