Në orët e para të mëngjesit të ditës së sotme, ambientet e Teatrit Kombëtar u hodhën në tokë pas vendimit të Këshillit Bashkiak.
Policia dhe IMT nxituan që të zbatonin urdhërat e ardhura nge kreu i bashkisë Erion Veliaj, megjithëse ai heshti duke u sjellë indiferent ndaj kundërshtimeve të qytetarëve.
Por mesa duket Kreu i bashkisë, Erion Veliaj ka gjetur guximin që të dalë para rrjeteve sociale për të folur, ku siç shihet ka përgatitur një videofjalim të gatshëm.
“E filluam këtë diskutim kur propozuam një Teatër të ri dhe pati një diskutim shumë të gjatë. Kemi diskutuar me të gjithë edhe me ato që kanë qenë kundër gjithçkaje dhe që janë një pakicë. Teatri nuk ka qenë asnjëherë monument Kulture.”- shprehet Velaij në video-mesazhin e tij.
Postimi i plotë:
Ndërtimi i Teatrit të ri Kombëtar ishte një vendim i vështirë, por i drejtë! Po aq i drejtë sa çdo vendim i mirë që kemi marrë në këto 5 vite për ta çuar përpara Tiranën tonë, qyteti ku po rrisim fëmijët tanë.
Por, teksa përgatitemi të nisim punën për Teatrin e Ri, i ftoj të gjithë, që nesër, ta bëjmë edhe më të mirë projektin që kemi në tavolinë. Ai teatër do të jetë për artistët dhe qytetarët, për fëmijët tanë.
Ejani ta ndërtojmë së bashku!
https://www.facebook.com/ErionVeliaj/videos/252839002718832/?t=11
