Kreu i LZHK-së, Dashamir Shehi u shpreh se Partia Demokratike dhe aleatët e saj duhet ta ngjisin vetë “maloren”.
I ftuar në Ora News Shehi tha se PD duke u puqur me ne ka pasur disa interesa që janë mbivendosur dhe kanë prodhuar situata të pakëndshme politike.
“Meta nuk ka nevojë të vijë te PD-ja. Mjafton të ketë kurajën për njerëzit e vet dhe idetë e veta dhe kjo do të ishte fair-play. Unë gjykoj që PD-ja dhe bashkë me ne të tjerët, ka për detyrë ta ngjisë vetë maloren. I ka mundësitë për ta ngjitur vetë. Në qoftë se do ta bëjë unik lidershipin, vendimmarrjen, në qoftë se do të ndjekë strategji. Tre-katër elemente ia kam thënë zotit Basha. Ne nuk jemi marrë me reformën administrative dhe ia lamë Partisë Socialiste që ta shkruante si të donte“, tha Shehi.
