Kreu i LZH-së: PD e paqëndrueshme për reformën në drejtësi
Kryetari i LZHK-së Dashamir Shehi, i sygjeron kreut të PD-së Lulzim Basha, të afrojë FRD-në e Bamir Topit në koalcion opozitar. Në një intervistë për Ora news, Shehi thekson se një afrim i mundshëm me LSI-në do ishte shkatërrim për të djathtën.
Duke theksuar kritikat për paqëndrueshmërinë e PD-së për reformën në drtejtësi, Shehi i ka kërkuar lidershipit demokrat që të këtë një qëndrim të qartë për reformat e rëndësishme, përfshirë edhe drejtësinë. Sipas tij, Partia Demokratike nuk është koherente në qendrimin e saj për reformën në drejtësi, duke u përkthyer sipas interesave dhe negociatave me aktore të drejtësisë dhe diplomacisë.
Për Dashamir Shehin, ndryshimi i sistemit zgjedhor është domosdoshmëri dhe për këtë ai propzon lista propocionale kombëtare të hapura, si dhe mbështet vendosjen e sistemit prim.
