Në një deklaratë për Oranews, Ambasada amerikane shprehet qartë dhe prerë se është koha tani për të miratuar reformën në drejtësi. 31 maji ishte afati i vendosur për miratimin e reformës ndërkohë që palët duket se vazhdojnë të qëndrojnë larg marrëveshjes.
As ndërhyrja një ditë me parë e dy ambasadorëve Lu dhe Vlahutin, dhe as letërkembimi mes liderëve Rama dhe Meta, duket se nuk i bindi palët të zbatojnë afatet, që janë përcaktuar qartazi nga SHBA dhe BE
“Kur të zbatohet, reforma në drejtësi do të jetë reforma më e rëndësishme në Shqipëri në 25 vitet nga rënia e komunizmit. 91% e shqiptarëve e kërkojnë atë. Udhëheqësit e partive politike në Shqipëri thonë se e mbështesin. Ekspertë dhe politikanë kanë shkruar drafte dhe kanë paraqitur komente. Tani është koha që politikanët të arrijnë kompromis dhe të miratojnë reformën në drejtësi – një herë e mirë”, theksohet në deklaratën e ambasadës së SHBA-së, raporton Oranews.
