Senatori amerikan, Chris Murphy, në takimin e tij me presidentin serb, Aleksandër Vuçiç, i ka bërë thirrje këtij të fundit që të heq dorë nga mbështetja që po i jep Rusisë në luftën me Ukrainën, çka lë të kuptohet se ky qëndrim po i prish marrdhëniet me SHBA-të. Ai u shpreh se Amerika e kupton lidhjen që ka Serbia me Rusinë, por tani duhet rreshtuar me shtetet demokratike, Serbia duhet ta ndërrojë qasjen.
“Washingtoni i kupton marrëdhëniet historike midis Serbisë dhe Rusisë, por shpreson se Serbia, së bashku me vendet e tjera demokratike, do të marrin pjesë në partneritet për të ndaluar pushtimin e paprovokuar të Ukrainës nga Rusia”, tha Murphy.
Më tuje ai tha se është e rëndësishme që të gjitha vendet demokratike në Euiropë t’i dërgojnë një mesazh të qartë Rusisë se lufta duhet të ndalet dhe të mbahet përgjegjëse. Vuçiç pas takimit tha se përmirësimi i bashkëpunimit me Shtetet e Bashkuara, është një nga prioritetet e politikës së jashtme të Serbisë.
