Deputetja Rudina Hajdari iu është përgjigjur kritikave të bëra, se pse në Kuvend i kërkoi Gramoz Ruçit që të mbante një minutë heshtje për viktimat e 2 Prillit në Shkodër.
Përmes një reagimi në rrjetet sociale, Hajdari thotë se kjo parti ka 28 vjet që bën politikë me Gramoz Ruçin, ndërsa ka përfshirë në gjirin e saj dhe ish-komunistët si Kastriot Islami dhe Lufter Xhuveli.
Postimi i plotë
Të kërkosh nderim zyrtar me heshtje në Kuvend për Martirët e Demokracisë nuk është fyerje por akt dinjitoz për ata që besojnë në vlerat demokratike.
Ata që bëjnë sikur e duan shumë të djathtën duhet të kenë parasysh se me Gramoz Ruçin dhe partinë e tij kanë 28 vjet që bëjnë politikë.
Mos të harrojnë historinë se Z. Islami që ishte Kryetar i Kuvendit Komunist e kanë bërë pjesë të grupit parlamentar ndërsa me Lufter Xhuvelin kanë mbajtur koalicion.
Drejtësi duhet të bëhet për Martirët e Demokracisë ashtu siç edhe për dhjetra raste të rënda në Shqipëri të cilat kanë mbetur si gjurma në akull si shkak i politikës 28 vjeçare..!
