Komisioneri për zgjerimin e Bashkimit Evropian, flet për rrezikun që i kanoset vendeve të Ballkanit Perendimor për shkak të përpjekjeve të Rusisë për influencë
“Nëse tolerojmë në kujdesin ndaj Ballkanit, dikush tjetër mund të imponohet dhe ky dikushi tashmë është duke bërë përpjekje”. Kështu është shprehur komisioneri për zgjerimine BE-së Johanes Hahn, duke folur për politikat e zgjerimit të Bashkimit Evropian. Gjatë një fjalimi në Univeristetin Prinston, Hahn ka theksuar se zgjerimi i Bashkimit Evropian, me të gjitha kushtet dhe kriteret, është politika më e mirë e sigurisë që unioni ka pasur ndonjëhere, por kjo nuk është gratis.
Hahn ka saktësuar se eshtë shumë e rëndësishme që perspektiva e anëtarësimit në BE të jetë e fortë dhe e besueshme ne Ballkanin Perendimor, sepse kriza e emigrantëve ka dëshmuar se ky rajon tashmë është enklavë brenda BE.
“Imagjinoni dot se ku do të ishin sot Polonia ose shtetet baltike sikur mos të kishte pasur zgjerim në vitet ’90-të? Ballkani Perëndimor është në oborrin tonë dhe në këtë rajon politika e eksportit të stabilitetit është në veçanti relevante sepse atje nuk kemi mbaruar ende pune”, ka thënë komisioneri i zgjerimit të BE-së.
Han ka një porosi për liderët e vendeve të Ballkanit Perendimor: “Është e domosdoshme të zbatohen reforma reale në terren, në veçanti në fushën e sundimit të ligjit dhe konkurrencës gjë që mund të cënojë modelet e punës së individëve, por alternative nuk ka dhe këtë e dijnë qytetarët.
Komisioneri Hahn tha se hapësirë boshe në Ballkanin Perëndimor mund të okupohet menjeherë nga dikush tjetër, referuar këtu Rusisë. “Nëse tolerojmë në kujdesin ndaj Ballkanit, dikush tjetër mund të imponohet dhe ky dikushi tashmë është duke bërë përpjekje. Bashkimi Europian është opsioni më i mirë, por që të gjithë duhet të jenë të gatshëm për të “luajtur””- tha Hahn.
Ai ka pranuar gjithashtu luhatjen e disa vendeve mes Bashkimit Europian dhe Rusisë, referuar këtu veçanërisht serbëve të cilët mendojnë se Rusia është investuesi më i madh në Serbi, edhe pse Austria ka investuar katër herë më shumë.
