Çështja e hapjes së negociatave për Shqipërinë dhe Maqedoninë e Veriut ka hapur debat mes kancelares gjermane Angela Mercel dhe Presidenti të Francës Manuel Macron.
Sipas agjencisë së lajmeve Reuters në mbledhjen e ministrave të Jashtëm të vendeve anëtare ka qenë Franca ajo që ka kundërshtuar nisjen e procesit me Shqipërinë dhe Maqedoninë e Veriut.
Macron ka kundërshtuar më shumë se të gjithë hapjen e negociatave të anëtarësimit me Maqedoninë e Veriut dhe Shqipërinë, madje është përplasur me Merkel.
“Ne duhet të rivendosim besueshmërinë tonë në Ballkanin Perëndimor dhe t’i zbatojmë angazhimet tona. Maqedonia e Veriut dhe Shqipëria kanë bërë detyrat e tyre të shtëpisë dhe kanë zbatuar reforma të dhimbshme,”- mësohet të jetë shprehur Macron pasi shtetet e BE u larguan nga bërja e hapit për herë të tretë në një vit e gjysmë.
“Reuters” shkruan se ministrja franceze për Çështjet Europiane, Ameli de Montshalë deklaroi hapur se si fillim, BE-ja duhet të reformojë mënyrën e pranimit të kandidatëve të rinj dhe se deri atëherë nuk mund të klejohet hapja e negociatave për asnjë shtet tjetër. Në fund Ameli, hapjen e negociatave thuhet ta ketë quajtur “telenovela e anëtarësimeve”.
Por qëndrimi i Francës ka ngritur shqetësime në radhët e BE-së, pasi në rast refuzimi vendet e Ballkanit mund të kultivojnë lidhje më të ngushta me Rusinë, Turqinë dhe Kinën.
Franca thotë se BE po përballet me shumë sfida – përfshirë daljen e planifikuar të Britanisë, Kinën, migracionin dhe kërcënimet e sigurisë të paraqitura nga Rusia – për të lejuar që dy shtete të tjera nga Ballkani, një rajon ende i paskalitur nga trashëgimia e luftërave të viteve 1990 që po lufton me krimin dhe korrupsionin.
