Thellohet tragjedia në Turqi, pas tërmetit 6.6 ballë i shkallës Richter që goditi qytetin e Izmirit 3 ditë më parë.
Sipas Agjncisë së Menaxhimit të Fatkeqësive dhe Emergjencave (AFAD), numri i personave që kanë humbur jetën ka shkuar në 91.
Sipas kësaj agjencie, pas tërmetit janë regjistruar 1.286 paslëkundje, prej të cilave 43 më të forta se 4 ballë.
Gjithashtu bëhet e ditur se numri i të plagosurve është 994, prej të cilëve 839 kanë dalë nga spitalet pas trajtimeve të nevojshme ndërkohë që 155 të tjerë ende vazhdojnë trajtimin.
Duke folur në një konferencë për media më herët gjatë ditës, ministri i Mjedisit dhe Urbanizimit i Turqisë, Murat Kurum tha se numri i ndërtesave të dëmtuara rëndë dhe të shkatërruara është 58.
