Refuzimi i Merkel për Edi Ramën është fundi i palavdishëm i “mbështetjes ndërkombëtare” ndaj “liderit global”! Meqenëse Edin nuk e takoi as kryetari i grupit parlamentar të CDU/CSU–së, atëherë ai “takoi” në Berlin kryetarin e grupit parlamentar të PS-së, Taulant Ballën :). Tani është radha jonë për ta flakur tej këtë karikaturë të shëmtuar politike!
Nga Aleksandër Biberaj
Të dashur miq,
Refuzimi i kancelares Angela Merkel për të takuar Edi Ramën në Berlin, i shoqëruar kjo edhe me refuzimin e drejtuesve të Bundestagut Gjerman dhe i drejtuesve politikë të maxhorancës CDU/CSU, ishte një përplasje dere në fytyrë për krye-mashtruesin e Shqipërisë, i cili u përpoq prej 7 vitesh që t’i hedhë hi syve ndërkombëtarëve duke i mashtruar për reformat në Shqipëri, ndërkohë që këtu bënte të kundërtën. Mbyllja e derës nga gjermanët është në fakt mbyllje dere nga Bashkimi Europian dhe politika ndërkombëtare. Refuzimi gjerman bën nul moralisht edhe mandatin e drejtuesit të radhës të OSBE-së, të cilin ndonëse e kishte dhuratë nga qeverisja e PD-së, me imazhin ndërkombëtar që ka krujuar Edi Rama, s’arriti ta përdorë në asnjë rast, pasi as Llukashenko nuk e pranoi si negociator për të zgjidhur krizën politike në Bjellorusi. Edi Rama është sot në sytë e ndërkombëtarëve aliazhi i një kryeministri që vjedh zgjedhjet me bandat për të mbajtur pushtetin dhe përdor pushtetin politik, administrativ, mediatik dhe mafioz për të vjedhur zgjedhjet, i një pokitikani që solli krimin në parlament, që shkriu Gjykatën Kushtetuese dhe atë të Lartë dhe gjykatat e tjera që të mos ketë kush t’a gjykojë, i një simboli të korrupsionit që e shndërroi vendin e vet në Kolumbinë dhe Meksikën e Europës, i një autokrati të pa aftë dhe profan që e keq përdori pandeminë për pushtetin dhe pasurimin e tij dhe të klikës së tij, i një politikani me mantalitet dhe psikologji tipike moniste/komuniste që zhvilloi votime vendore moniste në vitin 2019, i një megallomani që s’i mjaftoi shkatërrimi i Shqipërisë por u fut në pazare të ndyra anti-shqiptare në Ballkan me sllavët për të ndarë dhe copëtuar Kosovën. As nuk bëhet fjalë me që në të marrim ftesën për hapjen e negociatave me këtë kryeministër karagjoz dhe të papërgjegjshëm, me këtë parlament ilegjitim të mbushur me karnavale, dhe me këtë qeveri matrioshkash/kukullash ruse. Tani që ndërkombëtarët i kanë hequr vizën “liderit global” na mbetet ne shqiptarëve që ta flakim tej këtë karikaturë të shëmtuar politike që e katandisi Shqipërinë si mos më keq! Ora e së vërtetës, ora e fitores po afron!
