Drafti i mazhorancës për reformën në drejtësi do të hyjë në kalendarin e punimeve të Kuvendit këtë javë. Këtë e garanton nisma e 33 deputetëve të mazhorancës, e cila është miratuar sot në mbledhejn e grupit parlamentar të PS-së dhe atë të kryesisë së kësaj partie. Kryeministri Rama ishte sot në selinë e PS-së për të diskutuar me strukturat për këtë çështje.
Ndërkohë në selinë e opozitës, kryetari i PD-së Lulzim Basha është takuar me ish-kryetarin e kësaj partie, njëherësh ish-kryeministër i vendit Sali Berisha. Temë e diskutimit sipas buimeve ka qënë pikërisht çështja e nismës së 33 deputetëve për të përfshirë së afërmi në punimet e kuvendit, draftin e reformës në drejtësi. Opozita ka deklaruar se nuk do të pranojë një reformë të miratuar në mënyrë të njëanshme ndërkohë që kryetari i PD-së Basha ka theksuar disa herë se në se blihen vota nga mazhoranca, do të digjen mandate.
