Lëvizja Socialiste për Integrim ka reaguar në lidhje me shpërthimin që ndodhi në një nga zyrat elektorale të kësaj partie në Durrës.
Në reagimin e LSI-së thuhet me ironi se rilindasit ende nuk kanë gjetur se cila parti ja vuri dinamitin të atit të Saimir Tahirit, jo më të gjejnë atë në zyrat e LSI-së.
LSI thotë se nuk do të heshtin derisa të gjenden autorët e krimit, ndërsa kanë fajësuar militantët e Partisë Socialiste.
Reagimi:
Rilindasit ende nuk kanë gjetur kush i vuri tritolin Bashkim Tahirit, babait të Sajës, jo më të gjejnë kush vuri tritolin në zyrën e LSI, Lagjen 18, Durrës, ku vetëm 5 metra më tutje prej 2 ditëve po ruhen kutitë e fletëve të votimit në shkollën e Fizkulturës “Benardina Qeraxhi”
Ne kishim dhe kemi shumë arsye të besojmë se tritoli gjendet në duart e Rilindësve, por serish kërkojmë drejtësi. Ne besojmë tek socialistët durrsakë të ndershëm, por nuk mund të heshtim para Rilindjes së Krimit në Durrës
