“Gjykatat janë bërë si tregu i Qazimit këtu në Elbasan, shkon të marrësh drejtësi të thonë ik se nuk ka u shit”
Kryeministri Edi Rama ka deklaruar se pushtetin në drejtësi sot e kanë kriminelët. Nga Universiteti i Elbasanit ku ishte i pranishëm në një takim me studentët, kreu i qeverisë tha se reforma në drejtësi do ta përmbysë këtë sistem dhe se në të kaluar ndërhyrjet e berë në drejtësi sipas Ramës nuk kanë qenë reforma por arnime të sistemit.
Githashtu Rama shfrytëzoi këtë takim për t’i bërë thirrje opozitës që të kthehet në Kuvend dhe të votojë ngritjen e institucioneve të Vetting-ut.
Më tej Rama ka inronizuar Gjykatat duke thënë se janë bërë si tregu i Qazimit këtu në Elbasan, shkon të marrësh drejtësi të thonë ik se nuk ka u shit.
“Por ne na intereson të ndërtojmë 1 orë e më parë sistemin e Vetting-ut dhe opozita të heqë cdo hije nga vetja, të votojë ngritjen e Vetting-ut dhe pastaj në dashtë ti ikë nga parlamentit, të protestojë. Nëse opozita nuk vjen, Vetting-u bllokohet. Gjykatat janë bërë si tregu i Qazimit këtu në Elbasan, shkon të marrësh drejtësi të thonë ik se nuk ka u shit” u shpreh Rama.
