Pas seancës së jashtëzakonshme në Kuvend, Rama dhe Patozi u përplasën në hollin e Parlamentit dhe debati vijoi deri në ambientet e jashtme.
Patozi i kërkoi llogari Ramës se ku e dinte ai që s’do kandidonte në listën e PD, ndërsa Rama iu përgjigj se Basha mori këtë vendim pas intervistës së deputetit në Top-Channel.
“E di kur ke ikur ti nga PD? Kur dhe atë intervistën te TCH 90 ditë më parë!”, i thotë Rama, Patozit.
Nga ana e tij, Patozi i thotë Ramës se nuk ka ndërmend të ndërhyjë në marrëdhënien e tij me Bashën, por shton se nuk është larguar nga PD. “Unë s’jam larguar nga PD dhe prandaj ti flet”, i drejtohet Patozi, Ramës.
