Debati për arrestimin e Emiljano Shullazit, opozita: Është shefi i qeverisë tuaj!
“Shefi i rrugës dhe shefi i vërtetë i qeverisë”, e ka cilësuar opozita Emiljano Shullazin. Gjatë debatit të sotëm në Kuvend, opozita është përqendruar në akuzat ndaj mazhorancës për lidhjet e saj me të arrestuarin, Emiljano Shullazi.
Ndërsa kryeministri Rama ka reaguar duke theksuar se opozita nuk la njeri të botës së krimit pa e kthyer në hero të Parlamentit. Rama ka sqaruar edhe mënyrën se si policia e arrestoi Emiljano Shullazin.
“Si ka mundësi që nuk latë njeri të botës së krimit pa e kthyer në hero këtu, në Parlament. Ndalimi është bërë nga policia, e cila ka nisur procedurën pa pasur një denoncim konkret, por duke u nisur vetëm nga një indicie e paprovuar. E ka ndaluar dhe më pas ka kërkuar nga Prokuroria autorizimin për arrestim dhe e ka marrë pas mesnate, ndërkohë që personazhi në fjalë ishte në qeli. Është kërkuar autorizimi për përgjimin dhe nuk është arritur”, tha Rama.
