Kryeministri Edi Rama shprehu keqardhje ndaj deputetit socialist Rrahman Rraja. Ai akuzoi sërish opozitën dhe median se po e përdorin për qëllime politike ngjarjen e Xhisielës.
“Sot djali i një deputeti është në burg. Më vjen shumë keq për Rrahmanin. Se po kalon një moment tejet të vështirë pranë shtratit të spitalit ku e shoqja po lufton me vdekjen dhe natyrisht edhe si baba. Me një djalë që është aty ku e meriton të jetë por kush është pjesë e kësaj familjeje politike e këtij grupi parlamentar ka marrë përsipër të jetë pjesë e të qenit ndryshe. Ne nuk jemi ëngjëj, nuk jemi të rënë nga qielli, të pagabueshëm, përkundrazi kemi të gjitha të metat e dobësitë tona por ne të lidhur me krimin?!”, tha Rama.
