Pavarësisht qëndrimit të LSI dhe PDIU që zgjedhjet e qershorit të mos bëhen pa opozitën, kryeministri Edi Rama ka deklaruar se zgjedhjet do të bëhen, pavarësisht se çfarë thonë këto forca politike.
“Lërë se çfarë thonë, zgjedhjet do të bëhen, kush do të paraqitet le të paraqitet, kush nuk do mos të paraqitet.”- shprehet kryeministri i ftuar në studion e Report TV, tek emisioni “5 pyetjet nga Babaramo”.
Rama u shpreh se Shqipëria është në një udhëkryq reformash jetike siç është reforma në drejtësi.
Babaramo: Por LSI e PDIU kanë thënë se zgjedhjet nuk bëhen pa opozitën. Po nëse shkoni në zgjedhje ju dhe Blushi që ju vijnë si një bekim…
Rama: Nuk shoh asnjë bekim, sepse PS është në të drejtën e saj për t’u paraqitur para zgjedhësve sesa shumë ka për të bërë, sa duhet të bëjë. Jemi në një proces historik reformash. Reforma në Drejtësi është jetike. Jemi në një udhëkryq, ku paraqitet e ardhmja e Shqipërisë si një mundësi reale apo në një afat të pacaktuar. Lërë se çfarë thonë, zgjedhjet do të bëhen, kush do të paraqitet le të paraqitet, kush nuk do mos të paraqitet.
