Kryeministri Edi Rama i bën thirrje presidentit serb Aleksandër Vuçiç të lejojë hyrjen në Serbi të kamionëve me mallra nga Kosova.
Rama me anë të një postimi në rrjetet sociale shkruan se me këtë veprim rajonin e Ballkanit Perëndimor ta bëjnë shembull rrezatues të solidaritetit për të fituar luftën me armikun koronavirus.
Postimi i plotë
Aleksandar Vuçiç, Vetëm përmes solidaritetit pa kufi e kompasionit si njerëz të sulmuar nga një armik i egër, ne mund e duhet të fitojmë!Ju lutem z.President ngrijeni traun për kamionët e le ta bëjmë rajonin tonë shembullin rrezatues të #Solidaritetit kaq të nevojshëm për ta fituar luftën
Prej 24h kamionët me mallra nga Kosova janë bllokuar në kufirin e Serbisë! #LinjaeGjelbërt në rajon s’mund t’i nënshtrohet rregullave të çdo vendi, po veç një rregulli të thjeshtë: Këtë luftë që duhet ta fitojmë së bashku duke ndihmuar njëri-tjetrin jo armikun e pakufi!
