Kryeministri Rama duket i sigurt se do t’i fitojë edhe zgjedhjet e ardhëshme parlamentare edhe për një arsye që sipas tij nuk ka opozitë sot në Shqipëri. Në një takim për anëtarësimet e reja në PS, Rama tha se do t’i fitojë zgjedhjet edhe për shkak të reformave të marra nga qeveria.
“Do fitojmë dhe për një arsye tjetër se në Shqipëri nuk ka opozitë. Ka dy qeveri një qeveri e vjetër e rënë nga kali që thotë ma ka falur kali. Dhe një qeveri e re që i ka hyrë detit në këmbë. Nuk jemi aspak të pagabueshëm. Ashtu si kundër kush votohet ka detyrën të punojë por dhe të drejtën të gabojë por një gjë është e sigurtë nuk kemi gabuar siç bënte opozita”, tha Rama.
Për reformën e shumëpërfolur në Drejtësi, rama tha se pavarësishst pengesave që po kërkonb të nxjerrë opozita, kjo reform do të miratohet. “Jemi shumë të qetë për reformën në drejtësi sepse e ka përcaktuar si domosdoshmëri jo vetëm koha por dhe vullneti sovran. Sado ata të qeverisë së vjetër të rrotullohen dhe varka të marrin nga Venecia për në Tiranë dhe nga Tirana në Venecia. O do votojnë për reformën në drejtësi ose do të marrin po ata 1 milionë shuplaka që kanë marrë”, tha kryeministri.
Rama bëri këto deklarata në pallatin e sportit “Asllan Rusi” ku zhvillohet një takim për anëtarësimin e të rinjve në PS.
