Nga Mehmet Elezi
Klasifikimi kryeministror i shqiptarëve në “personalitete” e “njerëz të zakonshëm”, kur është puna për radhën e vaksinimit, nuk është vetëm formë e luftës së klasave. Nuk është vetëm mënyrë për të favorizuar votuesit e vet. Nuk është vetëm tymnajë, mbrapa së cilës privilegjohen familjarët e nomenklaturës post-bllok, siç shkroi media (ministri i shëndetësisë i Argjentinës dha dorëheqjen, thjesht se u vaksinuan jashtë kritereve familjarë të qeveritarëve. Argjentina gjithsesi është shtet).
Ndarja e shqiptarëve në personalitete e njerëz të zakonshëm, kur është puna për t’i vaksinuar, është racizëm i pastër. Të shpëtojmë racën e epërme, të “personaliteteve”. “Të zakonshmit”, janë racë e ulët.
Europa flet me gjuhë tjetër: fillimisht vaksinon të moshuarit dhe grupet më të rrezikuara.
Për mjekësinë në botën e qytetëruar ka vetëm një personalitet: Njeriu.
