Mbrëmjen e kësaj të djele kryetari i Partisë Demokratike, Lulzim Basha u është bashkuar protestuesve të zonës së “Astirit”.
Ai, jo vetëm ka këmbëngulur në fitoren e kësaj proteste, por madje ka premtuar që sapo të vijë në pushtet do të bëjë uljen e çmimi i naftës me 300 lekë (të vjetra).
https://www.facebook.com/lulzimbasha.al/videos/382545288954829/
“Ne e kemi treguar qartë alternativën tonë. Nuk ka pse Shqipëria të ketë naftën më të shtrenjtë në Europë. Ndaj në planin tonë politik dhe ekonomik hapi i parë do të jetë heqja e taksës “Rama” duke reduktuar menjëherë me 300 lekë për litër çmimin e naftës dhe benzinës në naftë.
Paratë që mblidhen nga taksat e shqiptarëve duhet të shkojnë për shqiptarët.
Në vend që të shkojnë në Delaware apo në konto të tjera bankare të qeveritarëve, në vend që të shpenzohen për godinat dhe luksin qeveritar, duhet të shpenzohen për auditore më të mira, për cilësi më të mirë mësimdhënie.
Këto janë qëllimet, për të cilat janë ngritur studentët, këto janë qëllimet, për të cilat janë ngritur qytetarët. Jemi dhe do të vazhdojmë të jemi në mbështetje të tyre.”
