Nga Ergys Mertiri
Protesta e studentëve u mbyll deri në janar, por ka një protestë që vazhdon çdo ditë prej më shumë se 7 muajsh: Protesta për mbrojtjen e Teatrit.
Për mua kjo është protesta më e mrekullueshme që është bërë ndonjëherë gjatë këtyre 28 viteve. Vendosmëria e këtyre njerëzve për të qëndruar kokëfortësisht me durim titanik përballë këtij pushteti është fantastike. Si rezultat, teatri vazhdon të qëndrojë në këmbë i paprekur e triumfues përballë lakmisë së hajdutëve me pushtet që duan të vjedhin truallin publik për të ndërtuar kulla betoni.
Nëse doni të dëshmoni qytetarinë, ejani në çdo ditë në orën 6 tek teatri. Pasnesër, pas protestës së emigrantëve, do të vijë atje rrjeti televiziv italian RAI për të xhiruar për një emision mbi këtë kauzë. Zëri ynë ka shkuar larg, pavarësisht se kush dëgjon këtu brenda.
