Para mbledhjes grupit parlamentar të së hënës, ku pritet që kryeministri Rama të mbajë një fjalim, në të cilin do të çmontojë grupin armiqësor “Babale”, nëpërmjet një mesazhi është kërkuar nga punonjësit e “depolitizuar” të administratës që ta shpërndajnë fjalën e udhëheqësit me sa munden dhe mos të mjaftohen vetëm një “like”. Ja mesazhi që kanë marë privatisht të gjithë punonjësit e administratës së Rilindjes.
“Të hënën ora 10.00, Kryetari Rama do ketë një fjalë në mbledhjen e Grupit. Duhet të organizohemi me të gjithë digjitalet në çdo cep për një shpërndarje sa më të madhe dhe sa më shumë interaktivitet. Interaktivitet nuk do të thotë vetëm 1 ?, por të gjithë (TË GJITHË ) duhet të bëhen pjesë e bashkëbisedimit me komentet përkatëse. Sekretari digjital Beqja do të komunikojë edhe me rrjetin. Do jetë një ushtrim i rëndësishem të shohim ku jemi. Në fund do të kemi një pasqyrë ku jemi sepse do të jetë me supervizim.”
