Në mbledhjen e pasdites së sotme të grupit parlamentar, deputeti i Partisë Demokratike, Gazment Bardhi, është shprehur se deputetët që marrin pjesë në mbledhje janë sulmuar që mos të marrin pjesë te procesi për presidentin. Bardhi është shprehur se Presidentin e zgjedh parlamenti dhe jo Jozefina, Rudina dhe Murrizi.
“Të propozojmë kriteret dhe procedurat. Ne duhet të vazhdojmë me opozitën. Dhe mos të kompleksohemi se një grup i Berishës na sulmon. Ne nuk iu përgjigjemi me të njëjtën gjuhë për të ruajtur PD. Ne jemi ruajtur mos ta përçajmë PD. Na sulmojnë sot që mos të marrim pjesë te presidenti. Ata që deri dje thonin përse bojkotoni. Pra kuptohet kush ka qenë pas bojkotit deri dje. Presidentin e zgjedh parlamenti. Dhe vendos grupi parlamentar. Nuk vendos Jozefina, Rudina dhe Murrizi, në Këshill Kombëtar. Ata që deri dje sulmonin PD” – tha Bardhi.
