Krerët e politikës shqiptare kanë uruar zgjedhjen e Donald Trump Presidentit të SHBA, por në sy ra urimi me vonesë nga ana e Kryeministrit Edi Rama, i cili pak kohë më parë gjatë fushatës që po zhvillohej në Amerikë për zgjedhjet presidenciale u shpreh në mënyrë të prerë kundra kandidatit Republikan Donald Trump.
Presidenti Bujar Nishani, Kryetari i Kuvendit, Ilir Meta, zv/kryeministri Niko Peleshi, si dhe kryetari i PD, Lulzim Basha, u shprehën se marrëdhëniet e Shqipërisë me SHBA-në do të mbeten të pandryshuara. Urimet e politikanëve shqiptarë u bënë nga “Mëngjesi zgjedhor” i organizuar nga ambasada amerikane në hotel “Plaza” në Tiranë.
