Nga Dritan Shano
Rama mburret se i ka ardhur letër nga Trump.
Po, e vërtetë, Presidenti i Shteteve të Bashkuara i ka nisur një letër Kryeministrit shqiptar, Rama, nëpërmjet së cilës e urdhëron:
1) Nxirri në shesh të palarat e Kinës – influencën e keqe të saj, abuzimin e saj me te drejtat e njeriut dhe huadhënien e saj grabitqare!
2) Mos guxo t’i hapësh rrugë 5G-së me Kinën, kjo do vijë vetëm përmes Amerikës, kur të themi ne që është e sigurtë!
3) Dil urgjent, pa e zgjatur nga formati Kinez i 17+1, merru vetëm me Inciativën e 3 Detrave!
4) Lëviz urgjent Ambasadën Shqiptare nga Telavivi në Jeruzalem!
P.S. Dhe dil e fol prapë budallallëqe për mua sikur unë jam rrezik për botën!
Kjo letër, që përmbledh politikën e jashtme aktuale të Shteteve të Bashkuara të Amerikës ju është çuar të gjithë kryeministrave të nivelit të Ramës, me fax dhe me postë të rregullt.
Kryeministrave të nivelit të Conte-s në Itali, i shkon Sekretari i Shtetit Pompeo dhe ia lexon me zë (siç në fakt bëri para 24 orësh).
