Aktori i njohur i humorit, Gazmend Paja, ka reaguar pas kauzave të PD se ai ka marrë tokë në Dhërmi pothuajse falas për të ngritur resortin e tij, pasi është militant i PS. Pak orë pas këtyre akuzave ka reaguar aktori, përmes një postimi në rrjetet sociale ai ka thënë se nuk ka përfituar asnjë centimetër tokë nga shteti. Ai thotë se ka aplikuar si investitor strategjik dhe ka të dejtë të marrë hapësirën nëse pronarët e tokave aty rrotull bien dakord.
Më tutje, aktori shprehet se deri më tani ka marrë aprovimin e pjesës më të madhe të pronarëve dhe ashtu do të vazhdohet, por asnjë moment nuk ka përfituar tokë nga shteti në mënyrë joligjore.
“Nuk kam përfituar asnjë cm2 tokë nga shteti. Ne vijim të shpifjeve te turpshme dhe të motivuara politikisht që qarkullojnë ne Media, dëshiroj të sqarojë opinionin publik për sa vijon: Kompanitë Startek dhe Ecotech kane nënshkruar një marrëveshje me një kompani të huaj. Kemi aplikuar për investitor strategjik, si një e drejtë që na jep ligji në bazë të vlerës së investimit. Kushti Ligjor për marrjen e statusit te mësipërm Është : dakordësia me gjithë pronaret e ligjshëm të pronave në këtë zone, ku me një pjesë të pronarëve Janë nënshkruar marrëveshjet përkatëse, Ndërsa me pjesën tjetër jemi ende ne faze negocimi”, shprehet aktori. Ndërsa i ka quajtur shpifje për interesa politike akuzat e PD.
