Java e 34-t e Serisë B ishte e rëndësishme edhe për dy futbollistët tanë, Ledian Memushaj dhe Migjen Basha, që luajnë përkatësisht me Peskarën dhe Komon. Dhe për hir të rëndësisë së 90 minutëshit, të dy lojtarët e humbën toruan dhe u bënë protagonist duke u përleshur në fushë me njëri-tjetrin. Basha është larguar me karton të kuq nga gjyqtari, ndërsa Memushaj ka marë një të verdhë. Dhe ishin pikërisht këta, të cilët harruan që ishin të dy shqiptarë dhe madje që luajnë së bashku në të njëjtën përfaqësuese, të cilët u bënë katalizatorë të një grindje masive në fushë. Gjatë incidentit doli po me karton të kuq edhe futbollisti libian i Peskarës, Ahmad Benoli, madje edhe presidenti Sebastini u detyrua të hynte në fushë për të qetësuar situatën. Takimi përfundoi 2-1 për Peskarën, skuadër që është ende në garë për t’u ngjitur në A, ndërsa Komo e vendit të fundit me 27 pikë, -4 nga Salernitana e parafundit, duket se sezonin e ardhshëm do të luajë një kategori më poshtë.
