Një ngjarje e rëndë ndodhi sot në mesditë në fshatin Galletë të Kurbinit, ku është vrarë me armë zjarri një 50-vjeçar. Viktima është Mark Ndreca, i cili ishte shofer furgoni ndërsa policia informon se autori është shtetasi, Tom Lala, nga fshati Malbardhë i Kurbinit. Krimi ka ndodhur pas një debati në qendër të fshatit. Autori i krimit është larguar ndërsa policia është vënë në ndjekje të tij. Nga të dhënat e para që vijnë nga policia konstatohet se krimi ka ndodhur për shkaqe të pronësisë së një sipërfaqe toke.
